Shillong, Ïaiong 13 :Ka Meghalaya Power Distribution Corporation Limited (MePDCL) ka la phah ïa ka detailed project report (DPR) sha ka Ministry of Power na ka bynta ban pynpoi bording sha ki longïing ba dang sah hapoh ka RDSS ha ka 22tarik Nohprah 2023 kaba la kots sha ka 489.35 klur tyngka.
Ki tyllong khubor ki ïathuh ba kane ka long an ka bynta ki 50984 tylli ki longïing bym pat ïoh bording kiba don ha ki 2239 tylli ki shnong.
Ka REC Limited ha ka 06tarik u Lber 2024 ka la mang na ka bynta ban pynpoi bording sha ki jaka bym pat ïoh bording hapoh ka RDSS kaba la kot sha ka 429.26 klur tyngka kaba kynthup ïa ki 50501 tylli ki longïing ha ki1939 tylli ki shnong, ki la pynpaw.
Na ka liang u Myntri ka tnad Bording jong ka sorkar pdeng ha ka jingïalang jong ka North East Power Meet kaba long ha ka 09tarik Naitung, 2024 ha Guwahati ki la mynjur ban pdiang ïa ka jingpynlut kumba ka dei.
La ïathuh ruh ba ka jingkhot tender na bynta katei ka skim ka la jan dep artad bad ïa ka kam yn sa aiti shen, bynrap shuh shuh ka khubor.
Nangta la ïathuh ruh ba baroh ki longïing kin sa ïoh noh ïa ka bording bad pynpoi noh sha ki nongïoh jingmyntoi.
