Shillong, Naitung, 06: Ki shipai Border Security Force (BSF) kiba ju ap pahara ïa ka khappud ha u bnai baladep ki la ïoh kurup palat 400 tylli ki masi ba la thmu ban khaii be-aiñ sha ka ri Bangladesh na ki bynta bapher bapher jong ki jaka khappud ka Meghalaya.
Ka jingdawa shaba palat ïa ki masi shohdoh na ka bynta ka jinglehniam Eid haduh 4407 tylli ki masi la thied da ki bor sorkar jong ka ri Bangladesh. Nalorkata, wat ha ka sngi u Blei mynta ka taiew la plie ïa ka jingïadie ïathied masi katkum ki kyndon aiñ da kaba pyndonkam ïa ki kor ki bor ka juk mynta.
Ki shipai BSF kiba pahara ha khappud ki ju peitngor bha ïa ki kam shalan be-aiñ na India sha Bangladesh bad ki kam runar ruser kiba ju jia khah khah ha khappud.
