Shillong, Nailur 25 : Ka State Bank of India’s Regional Business Office, Region 1, kaba don ka shlem treikam ha Dhankheti-Shillong, ka la leit ba kan pynlong ïa ka jingthung ïa ki tynrai dieng bad soh ha u Lum Sohpetbneng, kaba long shi bynta jong ka Corporate Social Responsibility (CSR), bad kumjuh ban pynneh ïa ka mei mariang bad kumjuh ïa ki dieng ki siej.
Ïa kane ka prokram la pynlong hynin ka sngi, ka 24 tarik Nailur 2025, ha kaba la ïoh ban thung kumba 3500 tylli ki tynrai dieng bad soh, bad ïa kine ki tynrai baroh la pynbit pynbiang ïa ki lyngba ka kper sara kaba la ai kyrteng M /s SUK Nursery, Nongmensong.
Ha kane ka jingïathung ïa kine ki tynrai dieng bad soh, na ka liang ka SBI la wan ban mihkhmat da u Chief Manager bad Deputy Manager of SBI’s Regional Business Office, Region 1.
Katba na ka liang ka Seng Khasi Kmie, la lam khmat da u President bad General Secretary Rgh O. Pyngrope, Rgh Hainess Marbaniang, Chairman ka Lum Sohpetbneng Committee Rgh I. Sun bad ki dkhot ka JPK ka Seng Khasi Kmie.
Ha kane ka sngi ka la don ruh ka jingïalang kaba lyngkot, ha kaba la ïoh ïa ki jingkren na ki nongmih khmat jong ka SBI bad Seng Khasi Kmie.
