Shillong, Lber 11: Ka sorkar jylla ka la pynlut T. 27,65,547 Lak na ka bynta ban shna ïa ka Refuge Island kaba ha IGP.
Na kane ïa ka traffic Island la pynlut kumba T. 13,98,960, na ka bynta ki kam jingthung pat la pynlut kumba T. 3,92,820, ka police booth bad consultant fee ka long T. 2,78,767, na ka bynta ki kam bording ka long T. 1,13,381, ka new service connection ka long T. 20,000 bad ha kaba ïadei pat ba ki kam bylla ka long T. 5,61,000.
Ïa kane la ïathuh da u Symbud Myntri Rangbah ka jylla uba khmih ïa ka tnat Pynroi Sor ka jylla u Bah Sniawbhalang Dhar haba jubab ïa ka jingkylli hapoh ka dorbar mang tyngka ha ka sngi baar.
