Mawkyrwat, Ïaïong 03: U Tourism Officer jong ka South West Khasi Hills District, u Bah L. Kharpomtiah kum u kongsan ula ïoh ban ot ïa u ribbon kum ka dak jong ka jingplie paidbah ïa kawei ka ïing basa ne ka Homestay kaba la ai kyrteng ka “Grace’s Homestay” kaba don ha Shnong Jakrem, Mawkyrwat C&RD Block, South West Khasi Hills District.
Lah ban kdew ba ïa kane ka “Grace’s Homestay” la long trai da u bah Johnpaul Kharlyngdoh na ka shnong Jakrem ha kaba la shna ïa kane ha ka jingmang pisa kaba 10 lak tyngka lyngba ka skhim Prime Minister’s Employment Generation Programme (PMEGP) napoh ka ophis jong ka District Commerce & Industries Centre (DCIC), South West Khasi Hills District bad na ka Tourism Office, South West Khasi Hills District.
Hapoh kane ka “Grace’s Homestay” ki don ar tylli ki kamra thiah kiba la biang ruh ki jaka leit shabar, ka don ruh ïa ka kamra shet bad kamra bam. Ym tangkata, hajan kane ka jaka sah, ki don ruh ha ka ki sawdong sawkun ba itynnad bad kaba pangngad.Kumta, lada kino kino kiba kwah ban wan sah miet, ki lah ban ai jingpyntip lypa da kaba kin phun ha u +91 – 8787741202 lane e-mail ha johnpaul50968@gmail.com.Kiba la ïadonlang ha kane ka sngi ki long u Bah Arkit Malngiang, Functional Manager, District Commerce & Industries Centre (DCIC), South West Khasi Hills District, u Bah Johnpaul Kharlyngdoh uba dei u trai jong ka Grace Home Stay, u Bah P. Wahlang, Myntri Shnong Jakrem, lem bad kiwei de kiba la shah khot sngewbha.
