Shillong, Nailur 01 : Ka UDP Shillong City Youth Wing hynin ka sngi ka la pynthymmai ïa ki nongkitkam jong ka na ka bynta ka samoi treikam 2023 – 2025 ha kaba la jied ïa u Bah Richard Syiemlieh na ka Shillong West Constituency ban ïalam ïa ka kynhun kum u President.
Katkum ka kyrwoh na u Bah Augusten Blah la ong ba ha katei ka jingïalang la jied ruh ïa u Bah Alex Lynser na Mawlai kum u Working President, nangta u Bah Desmond K Mawlong na Nongthymmai constituency kum u Genenral Secretary, Bah Kersuk Cajee na Nongthymmai kum u Chief Youth Organiser.
