Noh synñiang u MLA sha i heprit ban leit sha Jharkhand bad Football Club
Shillong, Lber 22: U MLA ka Mawlai Konstitwensi u Bah Process T Sawkmie ha ka Lah sngi U Blei ka 21 tarik u Lber, 2022 ula noh synniang da ka song pisa sha ka Sapbapaka Football Club bad sha i heprit ialehkai Kurash i Haphibansuk Lyngdoh Mawphlang, 9 snem ka rta.
Ka Sapbapaka kala ïoh ïa kane ka jingïarap na ka bynta ban leit ïakhun sha ka lympung ïalehkai kaban long sha ki thaiñ bhoi, katba i heprit Haphibansuk i la ïoh ïa ka jingïarap pisa na ka bynta ban leit ïakhun sha Jharkhand, ba la aiti ha u kpa jong ka.
Ine i herit yn leit ryngkat bad ka kynhun Meghalaya Kurash Association ka ban ïalam ïa kiwei de ki khynnah na ka bynta ban leit ïakhun ïa ka 5th Sub Junior National Kurash Championships 2021-22 kaban sdang ha 27-29 tarik mynta u bnai Lber ha Dhandbad, Jharkhand.
Haba ïa dei bad kane ka jingnoh synniang, u Bah PT Sawkmie u la pynpaw ïa ka jingsngewkmen haba u ïoh ban ai jingïarap bad u sngewsih bha, lada um lah ban ïarap ïa ki khynnah ïalehkai sports ban pyn-urlong ïa ka thong jong ki.
“Ka thong hi ka long ba nga kwah bad angnud ban kyntiew ïa ka sport ha ka thaiñ,” ong u bah PT Sawkmie.