Noh jingiarap u MLA ba rim ka Khliehriat sha ka lanot pluh iïng
Bam duh ka ding ïa ka iïng ha Tuber Kmai
Khliehriat Ïaiong 15: Ka ding kaba klang ka la bam duh ïa ka ïing ka sem jong i kong Duhkha Dkhar ha shnong Tuber Kmai shnong bad kane ka la jia mynta ka sngi ha ka por kumba 3 baje mynstep, ka ding ka la bam duh ym tang ïa ka iïng hynrei ïa baroh ki jingdon jing em ha ïing kat kiba don.
Ïa ka daw jong ka jingpluh ym pat lah ban tip satia bad donbok ba ym don mano mano ba mynsaw ha kane ka jingjia.
Na ka liang u MLA ba rim jong ka Khliehriat Constituency, u bah Justine Dkhar, mar mar tang shu ioh jingtip u la leit ban noh jingiarap ïa katei ka longïing da ki tiar ki tar, ki jaiñ ki nep bad kiwei kiwei.
Kumjuh ruh na ka liang ki bor pynïaid shnong ki la shim khia bad mar mar ki la wad ki lad jingiarap ban iarap ïa katei ka long ïing kaba la shem ka lanot pluh iïng ha kaba ka la duh noh ïa la ka ïing shong iïng sah.