Shillong, Naitung 30 : U Lamphang ka Ïing Dorbar Thawain ka Jylla, Thomas A Sangma u la ong ba kin ym ïa peiñ satia ïa ka jingshngaiñ jong ka Ïing Dorbar kaba thymmai. “Wei ba la mad shisien la sian,” ong u Lamphang haba kren halor ka jingshngain jong ka Ïing Dorbar da kaba ong ba ki peitngor bha mynta hadien ba ki la mad ïa ka jingtwa jong u dome.
“Donkam ban leh sani bad janai khnang ba kan ym ktah pat ïa ka jingshngaiñ jong ki dkhot jongngi,” u la ong da kaba pyntip ruh ba ka jingtei mynta kadei kaba shngain watla ka jingtei ïa ki bynta ba shapoh mynta ka dang ïaid bad ka kham eh. Ban pyntikna ïa ka jingshngai jong ka jingtei, u Lamphang u la ïathuh ba ka Assembly ka la buh ruh da ki consultant kiba pyntrei ïa ki bynta ba shapoh jong ka Parliament ha Delhi.
