Shillong, Naiwieng 26 : U Myntri ka tnad C&RD Bah Hamlet Dohling ha ka 24tarik u la leit ban jngoh ïa arngut ki rangbah kiba la ngat ha ka jingmynsaw ha ka jingsiat pathar ki pulit Assam dang shen ha Mukroh kaba la poi haduh u pud ba 5 ngut ki paid Khasi-Pnar kin duhei ïa la ka jong ka jingim.
Ha kane ka jingai mynsiem u Bah Hamlet u la noh jingïarap ruh ïa kitei ki rangbah ryngkat ka jingkitbok ba kin ïoh noh kham kloi ïa ka jingkoit jingkhiah ha ka jaka ai jingsumar ha NEIGRIHMS, Shillong.
Na ka liang u Myntri u la pynpaw ruh ba katno ka jingkthang ka mynsiem ban ïohi ba ki nongshong shnong kin mynsaw bad duh ei ïa la ka jingim tang na ka jingthombor jong ki pulit Assam.
“Ngin buddien bad ïakhun ban pyntikna ban ïoh ïa ka jingbishar kaba hok,” la bynrap shuh shuh u Myntri ba dei ruh u MLA jong ka Mylliem constituency.
Lah ban kdew hangne ba ki la don haduh hynriew ngut ki briew kiba la duhei ïa la ka jingim ha katei ka jingjia ha Mukroh ha ka 22tarik mynta u bnai ha kaba 5 ngut ki dei Khasi bad uwei pat u dei u forest guard na Assam.
Katei ka jingsiat pathar jong ki pulit Assam ka la pynlong ïa ka jylla baroh kawei la ka long naduh
