Shillong, Nailur 01: Ka la mih ka thma ktien hapdeng ki nongkyrshan jong ka BJP bad ka Congress ha Shillong hdien ba ki nongïalam jong ka BJP ki la pynlong ïa ka jingïakhih ha Congress Bhavan.
Kane ka jingkynthoh ka la mih na ki nongïalam jong ka Congress na Bihar pyrshah ïa ka kmie u Myntri Rangbah duh ka ri u Narendra Modi.
Ha kawei ka liang ka Congress ka la kyntait ïa ka jingkam jong ka BJP, ba la kynnoh ba kane ka jingïakhih ka dei na ka daw jong ka saiñ pyrthei bad na ka daw jong ka jingjia ba thok ïa ki vote
Na ka liang jong u BJP Yuva Morcha president Mewaker Lyngdoh u la ong ba kane ka jingïakhih ka long halor ki jingshah ban beiñ kaba la long pyrshah ïa ka kmie u Prime Minister barim bad kumjuh ruh halor Mohammed Rizvi, uba ka shah kem.
Halor kane na ka liang jong u Bah Lyngdoh u la ai khublei ïa ki pulit ba ki la lah ban shim kam pyrshah ïa u Rizvi.
U Bah Lyngdoh u la pynbna ba ka BJP kan ym ïakhih tang ha khmat ka ophis treikam jong ka Congress hynrei ka la pyrkhat ban ïakhih hakhmat ka Trinamool Congress (TMC) office, naba ki ngeit ba kam shim la don ka jingshim kam pyrshah ïa ka TMC MP Mahua Moitra halor ki kyntien kiba ka la kren pyrshah.
Na ka liang jong ka state BJP ka la ujor da ka zero FIR hakhmat u SP ka East Khasi Hills ba dawa ban shim kam pyrshah ïa ka Moitra.
Katkum ka jingong jong u ka party ka ïeng na ka bynta ka suk ka saiñ ha ka jylla.
Haba pynrem ïa ka jingleh jong ka BJP, u MPCC Secretary Manuel Badwar u la ong ba kane ka jingiakhih ka dei ka buit ban pynkynriah ïa ki kam jong ka party.
“Kane ka dei ka kam kaba phylla naba nga ngeit ba ki kwah ban ban shim lut ïa ki kam baroh khamtam eh da kaba tuh ïa ki vote,” ong u Bah Badwar.
U la ong ruh ba ki kam kiba la mad da ka ri ki kynthup ïa ka jingbym ïoh kam ïohjam bad ka jingsam ïa ka bhah ka bym beit satia ha kaba ka BJP ka la shim kabu na kane.
Na ka liang jong u Badwar u la kynnoh ba ka BJP ka la shim kabu ha ka kam politic da kaba pyndonkam ïa ka niam, caste, bad ka longiing longsem kaba ktah ïa ka longïing jong ka Gandhi.
Ha kaba ïadei bad ka jingïakhih kaba dangshen jong ka BJP ha Shillong, u Bah Badwar u la kam ba kane ka jingïakhih jong ki ka la long halor ka jingai ding ki nongïalam.
U la banjur ruh ba ka Congress kan ïai bteng ban ïakhih bad ïeng na ka bynta kiba duk bad kan kiar na ki jingthmu jong ka seng BJP.
