Shillong, Naiwieng 27: U Myntri Rangbah ka jylla u bad u President ka National People’s Party (NPP), u Conrad K. Sangma, ha ka sngi Palei u la shim bynta ha ka “The One North East Thansa (Unity) Rally” kaba la long ha madan Astabal, Agartala ha kaba da ki hajar ngut ki paidbah ki la ïalum lang ban sakhi ïa ka jingïalong kawei hapdeng ki nongïalam jong kane ka thaiñ ha kaba na ka liang jong u Conrad u la banjur ïa ka jingdonkam ban ïalong kawei ha kane ka thaiñ shateilammingi.
La ong ba kane ka dei ka jingïalang kaba nyngkong eh ha kane ka thaiñ. Ha kane ka jingïalang la pynbud pat sa da ka jingïalang bad ki lad pathai khubor kaba la long ha New Delhi, ha kaba ki nongïalam ba kynthup ïa u Sangma ki la pynbna ban thaw ïa ka seng saiñ pyrthei kaba long ka rynsan ban kyntiew ïa ka jingangnud jong ki paidbah kane ka thaiñ shatei lammihngi.
Nalor jong u Myntri Rangbah la wan ruh ban shim bynta ha kane ka jingïalang na ka thaiñ shatei lammmihngi.
Kiba ïashim bynta ki kynthup ïa u James P. K. Sangma, Working President, National People’s Party (NPP), Daniel Langthasa, Founder, People’s Party (Assam) bad Former Member (MAC), Dima Hasao Autonomous Council, Mmhonlumo Kikon, Former Minister, ka sorkar Nagaland, ki nongthoh, Poet bad Social Worker, R. K. Meghen, Senior Leader, Manipur, Hemochandra Singh, Former Speaker, Manipur Legislative Assembly bad u Myntri barim ka sorkar Manipur, Ajoy Edwards, Founder & President, Indian Gorkha Janshakti Front (Gorkhaland, Darjeeling).
Shuh shuh la donlang ki nongïalam ka TIPRA Motha Party Pradyot Bikram Manikya, Founder, TIPRA Motha Party; B. K. Hrangkhawl, President, TIPRA Motha Party; Jagadish Debbaram, Chairman, TTAADC; Purna Chandra Jamatia, CEM, TTAADC; ki Myntri ba kynthup ïa Animesh Debbarma, Brishaketu Debbarma, bad ki MLA, ki Executive Member, bad ki MDC jong ka TIPRA Motha Party.
Haba kren ha ka jingïalang u Sangma u la pynpaw ka jingïaroh ïa ka jingwan ïa shim bynta jong kiba bun ha kane ka prokram kaba long kaba kongsan ha kane ka thaiñ shatei lammihngi.
“Ngi donkam ban ïeng tylli kawei ban pynpaw ïa kawei ka sur na ka bynta kane ka thaiñ shatei lamihngi,” u la ong.
“Ka la dei ka por ban wan lang kawei ha kane ka thaiñ shatei lammihngi. Ha kane ka kyrdan ngi donkam ban rah lang kawei ka sur bad ban long kawei,” ong u Conrad.
“Mynshwa ngi ïaid la ka jong ka surok bad mynta pat ngi la ïaid lang kawei. Yn ym don kiba shah ieh marwei. Kane kadei ka lynti ïaid jong ngi,” u la ong, da kaba pynskhem ba kane ka kam ka dei ka jingïatreilang jong kane ka thaiñ shateilammihngi.
Na ka liang jong u Pradyot Bikram Manikya, nongseng ka TIPRA Motha Party, u la pynpaw ka jingai khublei ïa baroh ki nongïalam kiba la wan ban shim bynta ha kane ka prokram. “Ha ki snem ba la leit ngi la ïalong kawei bad kane ka por kaba mynta ruh ka long ka jingsdang jong ka kam ban ïalong kawei ka ha kane ka thaiñ shateilammihngi.”
