Shillong, Nailar : U Myntri sorkar ka jylla ba peit ïa ka tnad Revenue and Disaster Bah Kyrmen Shylla dalade hi u la ngat bad mad ïa jingshlei um kaba jur bha ha ka sngi Balang ha surok bah Guwahati – Shillong.
Na ka liang u Myntri haba kren bad ki lad pathai khubor u la ïathuh ruh ba kum ha kine ki bynta donkam ban pyntikna ba kin don ki nala ïaid um kiba biang khnang ba kan ym ktah ïa ka leit ka wan bad ka jingshngain jong ki paidbah.
Shuh shuh u ong ruh ba ka jingwan kynsan ka jingshlei um ne ka umsaw ka lah ban jia wat ha ka surok bah ruh lada ka nala ïaid um kam biang bad kumta u ong ba ka long kaba donkam haduh katta katta ban shimkhia ïa kane ka bynta.
Nangta u ong ruh ba ka long kaba donkam ban wad ka lad ka lynti kumno ban weng ïa ka jingeh namar ka jingbym biang ki nala ïaid um.
Ha kawei ka liang pat u la ong ba ki engineer jong ka sorkar ki la pyrshang ïa kaba bha tam hynrei ka dang don ka bynta kaba ki hap ban peit bniah ban weng noh ïa ka jingshlei um bad ban pyntikna ba kan ym jia shuh hadien.
U Myntri u la kular ruh ba ka sorkar kan siimkhïa ban peit ba kan don ka jingïarap bad ka jingkyrshan ïa ki padibah kiba shah ktah na ka jingshlei um bad khamtam ruh ïa ki nongleit nongwan.
