Nongstoiñ, Ïaiong 27: Hadien ka jingïai buddien bad ïai thwet ïa ki nongkhaïi drok ha kylleng ka sor Nongstoiñ, ki pulit ba kyrpang jong ka ANTF ki la ïoh ban kem biang ïa u Hubert Paliar ba shong ba sah ha ka shnong Pyndengrei, Nongstoiñ.
Na u ne u runar, ki pulit ki la ïoh ban kurup kumba 3 golden tin ba don ïa u drok heroin, shi har bah ki dawai bilor jyrhoh, thyrnia injek, u kynja. Na ka liang ki pulit ki la ong ba u dei u nongdie drok ba satar bha bad u dei ruh u ba la shah kem bun bun sien, ha kaba haduh mynta u don shibun bha ki mokotduma ba la register pyrshah ïa u. Kumba long mynta la pynngat biang ïa u ha ka kyndon aiñ NDPS.
