Shillong, Jylliew 23 : Ki Pulit jongka kynhun ANTF ka East Khasi Hills ha ka miet sngi Palei, ki la ïoh kem ïa arngut ki nongkhaïi drok bad ïoh kurup ïa u heroin ba shongdor T. 2 lak, kawei ka scooty bad ka pisa ba T. 28,000.
Haba kynthoh hapoh ka Twitter, u DGP Dr LR Bishnoi ula ong “Ki nongkhaïi droks ki don jingthmu ban pynjot ïa ka imlang sahlang jong ka Jylla da kaba pynrung ïa u drok hynrei ka jingpeit ngor ki Pulit ka East Khasi Hills, ki la ïohkem ïa arngut bad ïoh kurup drok ba shongdor T. 2 lak, kawei ka scooty bad ka pisa T. 28 hajar”.
Ha ka sngi Ba-ar, ki Pulit ka East Jaintia Hills ki la kem ïa 7 ngut ki nongkhaïi ganja bad ïoh kurup haduh 251 kilo u ganja, 2 tylli ki kali bad hynriew tylli ki phone na Kongong.
