Shillong, Jylliew 24: U Myntri Rangbah ka jylla u Conrad K Sangma ha ka sngi baar u la ong ba u dang pyrkhat ban wanrah ïa ka jingbujli ïa ki myntri ka sorkar lada ka por kan wan ne batai.
Ïa kane u la jubab haba ïadei bad ka jingmih ka khubor ha kaba ïadei bad ka jingthmu ban bujli ïa ki Myntri Sorkar ha kaba u Sangma u la ong, “Ngam don eiei ban ong shaphang kane kumba long mynta. Ngin ïa peit ïa kane ka kam lada ka por ka wan. Kumba ka long mynta kam pat dei ka por ban ïakren halor kane ka kam ban bujli ïa ki myntri ka sorkar.”
Shuh shuh u Sangma u la bynrap, “Ngan jubab ïa kane ha ka por kaba biang,” da kaba kdew ba kane kam yn dang pyrkhat.
Kane ka jingkren jong u la wan halor ka jingmih ka khubor kaba la saphriang ba kan don ka jingbujli ïa ki Myntri da ka sorkar MDA-2 ba la ïalam da ka National People’s Party (NPP) ha kaba kane ka sorkar shen kan pyndep ïa ka samoi treikam kaba 2 snem shiteng ha kane ka jylla.
