Ngam tharai ba u PA Sangma un Kmen ba rakhe sngi kha, haba bun ki paidbah ki mad ki jingeh: MDC Tura

Shillong, Nailur 01: U MDC ka BJP na Tura u Bernard N Marak ua la pynpaw ïa ka jingsngewkhia ha kaba ïadei bad ka jingrakhe ïa ka sngi kha jong u late Purno Agitok Sangma wat hapdeng ka jingïakhih jong ki nongtrei ka Garo Hills Autonomous District Council (GHADC) pyrshah ïa ka sorkar NPP.
“Lada u PA Sangma u dang im, ngam tharai ba un pdiang ïa kane ka jingrakhe. Ha ka jingshisha u la dei ban leit sha ki paidbah, sha kito kiba wad kam, bad ki nongtrei kiba pynpaw ïa ki jingpyrshah ïa kane ka EC bad un pyrshang ban pynngeit ïa ki ban ïakren bad ban sngap ïa ki,” ong u Marak.
Katkum ka jingong jong u u late PA Sangma u la buh hakhmat ïa ka bha ka miat jong ki nongshong shnong khamtam kito kiba la shah ban beiñ ha ka jaka ban iehnoh ïa ki.
“Kumta kam long kaba kmen ïa ki paidbah ban pyrshah ïa kane ka jingrakhe ïa ka sngi kha u PA Sangma hynrei ki paidbah kim sngew kmen ïa ka jingrakhe ïa kane ka sngi. Ha kaba ki don ki briew kiba la pyrkhat da u PA Sangma ba ki dei ki khun la jong ki la ïam bad shah iehbeiñ, bad ngam tharai ba u PA Sangma un iehnoh ïa la ki paid Garo Hills bad ki kam jong ki,” ong u Marak.