Jowai, Naiwieng 12: Ki arngut shi kurim kila khlad noh mynta ka sngi Balang na ka daw ka jinghap ngam jyllop ha kawei ka thliew um kaba jylliew kumba 10 phut eiei haka shnong Salaroh, Jowai.
Na ka liang u Waheh Shnong ka Moosalyngkat ula pyntip sha ki pulit ba katei ka kynthei kaba kyrteng kong Mimon Pala 59 snem ka rta kala kum hap bakla shapoh katei ka tyllong um kaba dang shu tih thymmai bad u tnga jong ka u Deimonlang Sutnga 55 snem haba ula ïohi ïa kane ula mut ban hiar leit tan ïaka hynrei kaba sngewsih ula ngam jyllop lang hapoh katei ka thliew um.
Hadien kane ka jingjia ki pulit Fire and Emergency Service kila wan hiar mar mar sha katei ka jaka ban ïoh sei ïaki met ïap bad ban pynlong ïa ka jingtoh kit kaba bniah. Hadien bala lap ïa ka jingkhlad ngam jyllop, ïa ka met ïap jong ki la aiti noh sha kiba haïing ha sem jong ki ban pyndep ïa ka ñiam ka rukom kaba dang sah.
