Shillong, Jymmang 08 : U President Rangbah jong ka United Democratic Party u la ong ba um kmen khleh biej haba don ki nongïalam na kiwei kiwei pat ki party kiba kwah ban wan ïasoh sha ka party.
“Nga kwah shwa ban tip ïa ka daw kaei kaba pynlong ïa ki nongïalam ba kin shim ïa kine ki rai, la ka long ki MDC lane ki MLA lane ki president jong ki Circle ne constituency, ki nongkitkam ba hakhmat jong ki party bapher bapher. Kaba nga ïohi ka long kane, ki la sngewthuh ba hadien ba ki la treikam bad kiwei kiwei ki party ba don hapoh ka jylla ba ka ladei ka por ka ïa ba kin phai noh sha la ka jong,” u la ong haba kren ha ka jingïalang pdiang burom ïa u Bah Mitchel Wankhar, MDC ka NPP na Laban sha ka UDP.
Shuh shuh u ong ba haba ki wan bad pynpaw ba ki kwah ban ïasoh ne kwah ban ïakhun na ka UDP, kwah bad donkam ban tip shwa ïa ka daw. “Peit ha Nongpoh u MDC Bah Balajied u la mih na Congress bad pynïasoh sha ka UDP. Ym ju jia koit ba mynta nga long MLA la bun snem ba ki MDC na kiwei ki party kin wan ban ïasoh sha ka party UDP. Hynrei mynta balei,” u la bynrap shuh shuh.
U President u la ïathuh ruh ba haduh mynta ki la don haduh sawngut ki MLA na kiwei ki party kiba la pyntikna ban ïakhun noh na ka party UDP ha u 2023. Nalorkata, u la ong ruh ba ki la don sa saw ngut kiwei pat ki MLA kiba ka jingïakren ka dang ïaid shakhmat mynta.
Katkum ka jingong jong u Bah Metbah, tad haduh mynta ki la don haduh 5 ngut ki MLA na kiwei ki party nalor ki MDC kiba la pynkhreh shaid shaid mynta ban ïakhun noh na ka party ha u 2023.
