Nga mih elekshon na ka bynta u paidbah naba ki kam pynroi ki paw ha baroh ki shnong jong ka Constituency : Rymbui

Jowai, Nohprah 13: U Myntri ka kam poh ïing jong ka sorkar jylla u ma Lahkmen Rymbui ha ka jingkren jong u haka jingïalang paidbah ban pynskhem ïa ki nongkitkam ka United Democratic Party (UDP) Youth Wing 7-Amlarem, ula pynsngew kum u nongmihkhmat MLA yn mih ïakhun na ka bynta ka jingmyntoi ki paidbah namar haduh mynta ki kam pynroi kila paw pyrthei ha kylleng ki shnong kiba hap hapoh ka Constituency jong u kine ki kynthup naduh ki skul, ka surok, ka umbam umdih bad kiwei de.
Ula ong ba ka Amlarem kala kyllalut nadong shadong naduh 1998, da kaba ula pyntika ba ïa ka Jariañ PHC yn pynkiew kyrdan sha ka Sub-Divisional Hospital bad ïa kane yn buh ïa u mawnongrim ha ka 20 tarik mynta u bnai.
“Ki don haduh katno kilometer ki surok hapoh ka Amlarem kila la dep mang kata naduh ka Samanong, Moopyut, Umsalang, Iongnoh, Chyrmang, Nongbareh, Trangblang Pdengshakap bad kiwei de ki bym lah ban niew kiba la kot 150 kilo miter tam”.
Ula pynsngew ïa ka jingkieng Borkhat la lah ban pyndep biang ïa ka dei hadien ba ula wan biang kum u MLA. Kumta u kyntu ïa ki nongkyrshan ba kin jied ïa ki nongmihkhmat da ka nongrim kaba skhem ka jingmut namar katkum ka jingwad jingkheiñ jong u tang hapoh ka Amlarem (area) u lah ban ïoh haduh 20 hajar Vote, ula ong kumno ki nongshong shnong kim ai jingkyrshah namar baroh ki kam pynroi naduh ka surok ka umbam umdih la wanran ha manla ki shnong hapoh ka Amlarem Sub-Division.
Shuh shuh ula pynsngew ba dei lyngba ka jingtreilang jong ki paidbah la lah ban leh shibun ki kam pynroi hapoh ka imlang ka sahlang, ula kren kop ba uei u myntri pule puthi ka jylla uba la ïoh ban sanction haduh 23 tylli ki College kane ka dei ka History jong u ma Rymbui, kumjuh ruh ïa ka jingmang Sanction 300 tylli ki Primary School lada ym dei ha ka por u Lahkmen Rymbui, u ong ba kane ka long ka rukom ban long mihkhmat ym tang hapoh ka Amlarem hynrei ha ka jylla hi baroh kawei la ong u ma Rymbui.
Kum u myntri kam poh ïing ula pynsngew ba la dep sanction da ki phew tylli ki Border Out Post, ki Police Station kiba dei ha ka por u Lahkmen, ula kren baroh kine ki saw snem shiteng ula suki khlem pynpaw ïa ki kam pynroi hynrei mynta ka kynti “ngan sdang ban pynpaw pyrthei ïa kine baroh”.
Ha kaba ïadei bad ka bainong ki Mid Day Meal u ma Rymbui ula pyntip ba la pynkiew noh sha ka 2 hajar, da ki hajar ngut ki nonghikai la regularize ïa ki bad kumjuh ïa ka scholarship ki khynnah skul kaba la poi sha ka 10, 20, 30 bad haduh 40 hajar. Na ka bynta ki 10 tylli ki LP School ula pynsngew ba la dep ban mang pisa Sanction sha ka 44 lak 78 hajar tyngka.
Utei u Myntri ula pynsngew mynta ka sngi ka kynhun myntri (cabinet) kala shim ïa ka rai ban sanction ïa ki post na ka bynta ka Shillong Engineering College ka ban treikam naduh u bnai July jong une u snem ban wan.
Kaba ar la rai ban Sanction ïaka Post na ka bynta ka College Architecture & Urban Planning ha nongbah Tura, kaba lai la rai ban pynbha ïa ka pule puthi hapoh ka jylla namar naduh u snem 2030 ki nonghikai ki donkam ban pyndep ïa ki B.Ed Course saw snem, kumta ka sorkar ka la pynkhreh ïa ka jaka pule B.Ed ha Tura College Teacher Association ka ban sdang lang ïa ka jingpule BA, BSc, B.Com + BEd.
Kaba saw ka kynhun myntri kala rai ruh ba ïa ki 12 tylli ki College hapoh ka jylla kin long kum ki People College, na Jaiñtia ki kynthup ia ka Thomas Jones College, Jowai, ka Riwar College Pynursla, Ka Balawan College ha Umsning, ka Khrawsing College ha Mawphlang, ka Sngap Syiem College ha Mawkyrwat, ka Sneg Khasi College Shillong lem bad kiwei de ki College ha Goro Hills.
Ula pyntip ba san tylli ki post na ka bynta ka Commerce hapoh Nongtalang College la dep ban sanction ha kaba ki samla pule ka thaiñ war Jaiñtia kim donkam shuh ban leit pule shabar, ïa ka Captain Williamson technical University yn pynkylla sha ka State University namar ka jingdonkam ki samla pule ka jylla nalor ka jongdon jong ka NEHU, la rai mynta ka sngi da ka kynhun Cabinet ba ïa ki nonghikai Adhoc College yn pynkiew sha ka Fifth pay.