“Nga la pyrta sangeh..sangeh, hynrei um sangeh..nga ai daiñ ïa u shi kuli”

Shillong, Nailur 09: U Pulit uba la siat ïap ïa u Bah Cherish ha ka step jong ka 13 tarik u Nailar 2021, u la phla hakhmat ka jingtohkit ba mar syn rung ha ïing jong u Bah Che hapdeng ka jingdum jong ka kamra, u la ïohi byrngut byrnget ba don ba tur shajan jong u bad rah ïa ka kti sha jrong .
Haba phla ïa kane, une u Pulit u la ong, “Haba nga ïohi ïa u briew uba tur puk puk sha nga, nga la pyrta sangeh..sangeh, hynrei um shym la sangeh bad hamar ba un kynrup ïa nga, nga la ai daiñ shu kuli bad khrup u la kyllon ha madan”, la ong une u Pulit, uba la sngewthuh katkum ka jingthoh ha ka report ba udei u Khasi, namar la thoh ïa ka jingpyrta jong u ban sangeh ha ka ktien Khasi.
Une u Pulit uba la thoh ha kane ka report kum uta u witness ne u sakhi uba saw, la sngewthuh ba udei uwei napdeng ki Pulit jong ka Tactical Team 1, kaba dei ka kynhun kaba nyngkong eh ban rung hapoh ïing.
U la phla ba hadien ba u la siat da kaba kam ba u la siat na ki bynta ba shapoh jong ka met, u la kyllon kram ha madan. Ynda la pynmeh ïa ka light, la ïohi ba udei u Bah Cherish bad u dang im. Hadien kane kiwei pat ki Pulit ki la phone sha ka Ambulance 108.
Une u Pulit u la ïathuh ba hadien kane, la khynra ruh ïa ka ïing bad lap ïa ki kot ki sla kiba donkam. Kane kala shim por haduh 6 baje mynstep bad hadien kane u sa leit noh sha ïing.