Napdeng ki 953 tylli kiba sengkam shah jied ka Umsoh Rush na EKHD halor ka sengkam thymmai

Shillong, Ïaïong 06: Ka Skulbah North Eastern Hill University ka la pynlong ïa ka jingïatainia kaba la seng ïa ki kam kiba thymmai ïa kaba la pynïaid da ka IIT Guwahati.
Baroh kiba la wan ai ai ïa ki jingmut kiba thymmai kumno ban seng ïa ki kam ki jam ki la kot sha ka 953 tylli, lyngba ka skhim “Establish, Develop and Manage Entrepreneurship Development Centres”, kiba la shah ban poi sha ka thup kiba long ki rukom pyrkhat thymmai ha ka rukom seng kam na 150 tylli kila poi sha ka jingshah jied.
Na kine ki 30 tylli kaba la shah jied na East Khasi Hills ka dei jong ka Kong Roshni Kharshiing nongseng ïa ka Umsoh Rush bad mynta ka la shah jied ban ïoh san lak tyngka ban sdang ïa kane ka kam kaba thymmai ïa kane la pynbna ha ka taïew kaba la dep.
Ïa kane ka jingpyrkhat kumno ban wanrah ïa ki rukom sengkam thymmai la pynlong da ka skulbah NEHU lyngba ka Entrepreneurship Development Centre, North Eastern Hill University bad mynta ïa ki rukom seng kam thymmai la lah ban pynïaid ïew.
La ong ba ka Kong Roshni ka la wan ban ïashim bynta ha ka 14 tarik Nailar, 2024 kaba la pynlong da ka NEHU ïa ka rukom pyrkhat ban seng kam thymmai bad ha kane ka jinghikai ka jingkren jong u Prof. Dinesh Bhatia, Head, EDC, NEHU ka la ktah ïa ka Kong Roshini bad ka la pynwandur kumno ban seng ïa ka kam shna umsoh na ki soh kiba mih bad sohmynken.
Ka Kong Roshni ka la ïa shim bynta ha ka jingïakop kaba la long ha IC JNC ha Boko Assam bad ka la poi sha ka kynhun jong ki 50 ngut kiba la shah jied ban ïoh ïa kane ka jingïarap ban seng kam bad ha u snem 2025 ka la shah jied ruh ban pyninam ha ka jingïalang jong ka BRICS ha Assam.
Kane ka jingpynmih ïa ka Umsoh na ki soh ka Kong Roshni ka la shah jied ruh ban ïa shim bynta ha ka Tribal Business Conclave, ka long Roshini ka la pynpaw ïa ka jingsngewnguh ïa kane ka jingshah jied ka jong ka ha kane ka rukom pyrkhat sengkam thymmai ïa ka NEHU bad IIT Guwahati. Ka Rush kam dei tang ba ka dei ka rukom seng kam thymmai hynrei ka dei ruh kaba ïarap ïa ki nongrep ha kane ka jylla.