Shillong, Jylliew 24 : Ka [24]7.ai – kaba long ka kompany kaba lam khmat na ka bynta ban ai ki jingshakri ban wanrah ïa ki lad ki lynti ban pynbiang ïa ki nongthied nongpet- ka la pynmih ïa shibun ki sienjam bad ki kyndon treikam kiba thmu ban wanrah ïa ki jingbha bad ki jingbit jingbiang ïa baroh kiba trei ha ka la ki long ha kano kano ka bynta. Kane ka kompany ka la nang pynkhlaiñ shuh shuh ïa ka jingtreikam jong ka ban wanrah ïa ka jingkynthup lang ïa baroh da kaba buh ïa ki kyndon treikam kiba la saiñdur bha na ka bynta ba kan long kaba ïahap ïa baroh ki nongtrei kynthei bad shynrang.
Shuh shuh ban pynlong ïa ka jaka trei kaba shngaiñ bad kaba lah ban pdiang da baroh.: “Kine ki sienjam treikam ki long ban buh ha khmat ïa ka burom ka ijot jong ki nongtrei, ka jingshaniah, jinglaitluid, jingïatreilang, bad ka jingailad kaba mar katjuh. Ka kompany ka pyntikna ruh ban pynbiang ïa ki jaka sah na ka bynta kito ki briew kiba don jingduna dkhot met. Ka Nina Nair – Senior Vice President & HRD Head, India & Americas, ka ong, “Ngi ngeit skhem ha ka jingkyrshan ïa ki dkhot jong ka kynhun jong ngi khnang ba kan don ka jingbit jingbiang lang la ka long ha ka kam ba ki trei bad ha ka jingim ba shimet jong ki. Nalor kane, ngi buh ha khmat ruh ïa ka jingïabteng jong ngi ban hikai bad ïasyllok ïa ki para ba ïatreilang ba kin don ka mynsiem ïa synei bad ban don ka jingsngewthuh ba jylliew ïa ki para ba ïatreilang, kaba pynpaw ïa ka jingaiti lut jong ngi ban wanrah ka jaka treikam kaba suk ba saiñ bad kaba ïa kyrshan mar kylliang.”
