Shillong, Lber 30 : Ka Sorkar Meghalaya ka la pynbna shuti ha ka 13tarik u Iaiong,2026 na ka bynta baroh ki bank bad ki financial institution kiba don ha East Khasi Hills District hapoh ka Section 25 jong ka Negotiable Instruments Act, 1881, namar ka jingrakhe ïa ka “Shad Suk Mynsiem.”
Katkum ka jingpynbna ba la pynmih da ka ophis jong u Commissioner & Secretary ka sorkar jylla, General Administration Department, C.V.D. Diengdoh, IAS, baroh ki ophis sorkar, revenue bad magisterial court, nalor ki jaka pule kiba don ha ka distrik kin khang ha kateika sngi kaba la pynbna kum ka sngi shuti.
Hynrei , katei ka jingpynbna ka kdew pat ba ka shuti kan ym treikam ha ki ophis treikam jong ka sorkar pdeng.
