Khliehriat jymmang 29: U Deputy Commissioner, uba dei ruh u Chairman jong ka District Disaster Management Authority, East Jaiñtia Hills District, u Shivansh Awasthi, IAS, ha ka jingpyllait khubor ba dang shen u la buh ki jingkyntu bad jingbthah ïa ki paidbah khnang ba kin lait na kano kano ka jingjia ba sngewsih namar ka jinglong jingman ka suiñ bneng kam da biang bha ha kine ki khyndiat sngi.
Na ka liang utei u Chairman jong ka District Disaster Management Authority, East Jaiñtia Hills District, u la ong ba na ka daw ka jingjur u slap, ka jingtied u pyrthat, ka leilieh, u la bthah ïa ki paidbah ba ki dei ban long kiba husiar bad adkar bha haba ïaid ba ieng, la ong ba lada jur u slap ne ka lyer dei ban wad jaka rieh ha ki ïing briew kiba skhem lane ha kino kino ki kali kiba biang ki jingda le ki Hard-topped vehcile bad dei ban khang ïa ki jingkhang ïit, dei ban kiar ban rieh slap ha ki ïingtrep ba shu shna malu mala, ne ki ïing jaiñ ne ki tent bad kiar ruh ban ieng ha trai dieng.
Dei ban kiar na kaba pyndonkam ïa ki tiar electronic kum ki telephone ba don wire kan bha lada pyndonkam da ki mobile phone kiba long cordless phone bad kiwei kiwei.
Related Posts
La bthah ruh ba lada lap ïa ki sainar bor ding kiba hap ha madan kiba la julor dei ban pyntip mar mar sha ki bor ba dei peit.
La kyntu ruh ba dei ban kiar na kaba jngi ha um, kiar na kaba ieng halor lum bad ha ki jaka ba long madan bad na ki jaka ba don ki um ba tuid, kiar ban ieng ha ki electrict poles bad ha kin tower.
Shuh shuh katkum ka jingpyntip ba wan na ka tnat Indian Metrological la ong ba kan don ka jinghap slap ba jur ha ki jaka ha East Jaiñtia Hills, ha West Jaiñtia Hills, East Garo Hills bad West Garo Hills haduh ka 30 tarik u jymmang.