Namar ka jingduna doktor palat ha ki Hospital, pynkhreh ka sorkar ban thung bun ngut

Shillong, Rymphang 24 : U Myntri ka Koit ka Khiah Uu Ma Wailadmiki Shylla ha ka sngi Ba-ar, ula pyntip ïa ka ïing Dorbar ba ka Jylla ka don tang 4 ngut ki anesthesiologist, kaba pynpaw ïa ka jingduna ki doktor specialist ha ki hospital.
“Ka don ka jingduna ki doktor haba phai sha ki specialist. ïa mynta, ngi don tang saw ngut ki anesthesiologist” ong u Ma Wailad.
U pyntip ba ka Tnad ka la phah thungkam lyngba ka Medical Recruitment Board bad ka la ïoh ruh ïa ka jingmang pisa.
Haba jubab ïa ka jingkylli ba la wanrah da u MLA ka TMC Dr Mizanur Kazi, u Ma Wailad ula ïathuh ba ka Bhaitbari Community Health Centre ka ïakynduh jingeh na ka jingduna doktor specialist, bad ka doktor gynaecologist la buh ha Tura MCH namar ka jingbym don ka Operation Theatre hangtei.
“Ki don arngut ki doktor kiba shim shuti leit pule bad kawei ka gynaecologist la buh sha Tura MCH namar ka jingbym treikam ka OT bad jingbym don ki anesthesiologist” ong u Ma Wailad.