Nongstoiñ, K’lyngkot 15: Ka District and Medical Officer West Khasi Hills District, ka la pyntip sha ki paidbah baroh ba ka jingsumar na ka bynta ki longkmie bad ki khynnah khunlung, yn rah noh na ka Civil Hospital Nongstoiñ sha ka Maternal and Child Health (MCH) Hospital Upper New Nongstoiñ ba thymmai naduh ka 20 tarik u Kyllalyngkot 2026.
Ka jingpeit ïa ki nongpang kiba armet bad jingpang khunlung khynnah kiba hapoh 14 snem ka karta, yn peit noh ha ka OPD Block jong ka Maternal and Child Health Hospital Nongstoiñ ba thymmai.
Kumta la kyrpad ïa ki nongpang ba kwah ban shim dawai na ki Doctor Specialist jingpang kynthei ba armet (Obstetrics and Gynecology) bad khynnah khunlung (Pediatrics), ba kin leit shim dawai noh na katei ka MCH Hospital Nongstoiñ kaba thymmai.
Ki sngi ban peit nongpang ha OPD ki long sngi nyngkong haduh sngi saitjaiñ bad ka por plie kan long naduh 10 baje mynstep haduh 2 baje janmiet. Katba ka Emergency bad jingsumar ïa kiba donkam thiah hospital, yn dang bteng kumba ju long ha Civil Hospital Nongstoiñ.
