Shillong, Naitung 26: Ka Samkhamti kan sa ïoh ban pynlong biang ïa ka lympung lehkai ha u ne u bnai ban wan kaba la tip da ka Samkhamti Independence Cup.
Ka rukom pynïaid lane ka format jong ka jingïalehkai kan long lyngba ka knock out bad ka bai rung na ka bynta ki kynhun ba kwah ban ïashimbynta ha kane ka lympung ka long ha ka dor 2,500, katba ïa ka tarik khadduh ban pynpoi ïa ki form kan long ha ka 5 tarik mynta u Nailar.
Ka kynhun kaba ïohrah ïa ka namlahduh jong kane ka lympung ïalehkai kan ïohpdiang ïa ka song tyngka kaba haduh 40,000 ryngkat bad ka Khusnam (Trophy), katba ka kynhun kaba wan ha ka kyrdan ba ar kan ïoh ïa ka song tyngka kaba 20,000 ryngkat bad ka khusnam.
Na ka liang jong ki bor pynïaid ki la pynkhreh ban sdang ïa kane ka lympung naduh ka 15 tarik u Nailar, katba ïa ki prokram ïalehkai yn pyllait naduh ka 10 tarik mynta u bnai.
