Jowai, Jylliew 17: Katkum ka khubor bala pyllait da u General Secretary ka Seiñ Raij Jowai mynta ka sngi la ïathuh ba ka jinglehkmen Behdeiñkhlam jong ka Seiñ Raij Jowai kaba la ñiew kum kawei na ki State Festival kan sdang naduh ka 11 tarik jong u Naitung bad kan kut haduh ka 14 tarik u Naitung mynta ka snem.
Ula ïathuh shuh shuh ba ha kane ka jingrakhe Behdeiñkhlam mynta ka snem kan ïahap ruh bad ka jingrakhe ïa ka jinglehburom ïa ka jingdap 75 snem ka jingïoh laitluid ka Ri India bad kumjuh ruh ka jingdap 50 snem jong ka jingïoh jylla ba pura ka Meghalaya.
La khot la wer lang ïa baroh ki khun ka niamtre bad ïa ki nongshong shnong ka jylla ban wan sakhi lem ïa kane ka Behdeiñkhlam 2022 ha nongbah Jowai.
