Naduh 08 tarik da ka por pynbna ka ADC ban khang ïaid kali ha surok Laitlyngkot – Langkyrdem

Shillong, K’Lyngkot 06 : Ka Ophis jong ka Sub-Divisional Officer (C) Pynursla ka la pynmih ka jingpynbna ba kum ka jingpynkylla khyndiat ïa ka Jingpynbna Paidbah ba la dep pynmih Iyngba ka No. PSD/GEN/9/2019/116, Dated 15th December, 2025, da kane la pyntip kyllum sha baroh ki paidbah bad ki nongleit nongwan ba kajingkhang kali ha shi lynter jong ka surok hapdeng ka Laitlyngkot bad Lyngkyrdem (Chainage Kms 24+00 — 37+00) yn sa pyntreikam biang naduh ka 08 tarik u Kyllalyngkot, 2026.
Katkum ka kyrwoh sha ki lad pathai khubor, la pyntip ba ha ka por mynsngi kane kan treikam naduh ka por 11:30 baje mynstep – 4:00 baje janmiet. Bad ha ka por mynmiet pat kan treikam naduh ka por 9:00 baje mynmiet – 4:00 baje mynstep.
“Ïa katei ka jingpynbeit halor ka jingkhang kan long kaba shipor bad kaba manla ka sngi, kaban treikam naduh ka 08 tarik u Kyllalyngkot, 2026 bad tad haduh ynda pynbna da kumwei pat,” ong ka kyrwoh ba la phah da ka ophis SDO Pynursla.
Shuh shuh la pyntip ruh ba tad haduh ka por 11:30 mynstep, yn sa ailad ia ki kali ban jam na ki jaka sdang, kata napoh Lyngkyrdem & Laitlyngkot, bad hadien kane naduh ka por 12:00 shiteng sngi, ka kompani kan sa sdang noh ia ka jingpyntrei ia ka kam shna surok.
La kyntu jur shuh shuh ïa ki nongleit nongwan ba kin long kiba husiar haba ki ïaid lyngba kane ka bynta jong ka surok bad khamtam eh ha ka por mynmiet.
“Yn sa ailad tang ïa ki kali kit nongpang ha kitei ki por khang bad ki lah ban pyntip lypa sha une u Phone Number. : 690 921 7154 jong ka Pynursla Police Station na ka bynta kano kano ka jingdonkam ban pyntip ïa ka kompani shna surok,” bynrap shuh shuh ka kyrwoh na ka Additional Deputy Commissioner, Pynursla Civil Sub-Division.