Shillong, K’Lyngkot 29 : Ka National People’s Party (NPP) ka la sdang na Umsning Constituency ban pynkhlain ïa ka party khnang ban pynkhreh lypa naduh mynta na ka bynta ka elekshon MLA kaban long ha u 2028.
Halor kane, u Working President ka Party, Bah Hamletson Dohling ryngkat ki nongïalam ba hakhmat ka party ha ka sngi Balang ki la pynskhem ïa u Dr. Celestine Lyngdoh ba dei ruh u MLA ka thain ban shimti kum u President jong ka NPP Umsning Block.
Kiwei pat ki nongkitkam jong ka Block ki kynthup Bah MG Kharshanlor kum u General Secretary, Bah Lambor M Bina kum u Treasurer, Bah Robert Nongrum kum u Assistant General Secretary nalor kiwei kiwei.
La pynskhem ruh ïa ki nongkitkam jong ka National People’s Women Front (NPWF) bad National People’s Youth Front (NPYF) jong ka Block.
Ki nongkitkam jong ka NPYF ki kynthup ïa u Bah Aibor Shadap kum u President bad Bah Prodishon Kshiar kum u Secretary. Katba ki nongïalam ka NPWF pat ki kynthup ïa i Kong D Nongbsap kum i President bad i Kong H Sun kum i General Secretary.
La donlang ruh ha kane ka sngi naduh u MLA ka Mawhati, Bah Charles Marngar, Chairman ka Farmers Front, Bah HM Shangpliang, Bah Donkupar Sumer, Bah bad bun bha ki nongkyrshan.
Haba kren ha ka jingïalang u Working President u la ong ba kane ka sienjam ba ki shim ka long ban pynkhlaiñ shuh shuh ïa ka party kaba dei shi bynta na ka bynta ban pynkhreh pat na bynta ka elekshon MLA kaban sa long ha u snem 2028.
