Na u Lamphang dawa ka Maitshaphrang ban ai nam nongïaleh laitluid ka Phan Nonglait

Shillong, Naitung, 01: U Nongïalam ka Maitshaphrang Movement u Bah Michel Syiem ha ka sngi Thohdieng ki la ïakynduh ïa u Lamphang ka Iingdorbar Thawaiñ ka jylla u Bah Metbah Lyngdoh ban kyntu ba un ïa kren bad ka Sorkar Pdeng ban ithuh ïa ka Phan Nonglait kum ka nongïaleh laituid jong ka Ri India.
Ha ka jingïakren bad ki lad pathai khubor u Bah Michael u la ong ba u Bah Metbah u la ïakren bad ka Sorkar Pdeng ban pynrung ïa ka kyrteng jong ka Phan Nonglait kum kawei na ki nongïaleh laitluid jong ka Ri India.
U la ong ba ym lah ban len ïa ki jingshisha ba ki kam ratbah jong ka Phan Nonglait ka la pynlong ïa ki shipai jong ka Hima Nongkhlaw ban ïoh ban pynap ïa ki ar ngut ki heh Shipai ka Sorkar Bilat bad ïa kiwei kiwei de ki shipai Phareng.
Dang shen la pyllait paidbah ïa ka kot ba la thoh halor ka jingim jong ka Phan Nonglait da u Muktiar u Bah Daniel Stone Lyngdoh bad kane ka la kren shai ïa ka jingkhraw jong ka Phan Nonglait kaba la donkti ban iakhun thma bad u Syiem Tirot Sing pyrshah ïa ki shipai Phareng.
“U Lamphang ka Iingdorbar Thawaiñ u don ïa ka bor ban ïakren bad ka Sorkar Pdeng namarba ka shuki kaba u bat ka dei ka shuki katkum ka riti synshar jong ka Ri India,” ong u Bah Michael.