Shillong, Nohprah, 14: Ki dkhot jong ka Khasi Students Union (KSU), Upper Shillong Circle ha ka sngi Balang ki la leit beh krad ïa ki bar jylla kiba wan poi wir ha ka jaka ba don mar pyrshah bad ka Rilbong Point kaba hap hapoh ka jingpeit jingkhmih jong ka Shillong Cantonment Board,
Katkum ka jingïathuh jong ki briew kiba shong dukan ha kane ka jaka, la ong ba ki don haduh 30 ngut eiei bad ki bar jylla kiba kit bad la ki jong ki khun ki kti kiba sahmiet hadien ba ki la wan poi ha kane ka jaka ha ka por 4 baje janmiet ha ka sngi Baar.
Ki la ong ruh haba pyrshang ban kylli, kine ki poiwir kim shym la ai satia ïa ka jubab kaba shai shaei kin leit.
Kine ki poiwir ha ka jingïakren bad u nongthoh khubor ki la ïathuh ba ki la wan poi sha kane ka jylla Meghalaya da kawei ka Bos kaba ki shong na ka Jylla Rajasthan hynrei ynda la ki poi ha Shillong kim tip lynti shuh shaei kin leit bad nalor kata la lap ruh ba ki kurim jong kine ki poiwir ki dei kiba ju don bynta ban leh bajikor ne leh magic.
U President jong ka KSU Upper Shillong u Bah Shngaiñ Sohkhlet u la ong ba ka seng kan ym ailad da leilei ruh em.
