Na ka RTI lap ka HNYF ba thylli ki post ha Sericulture, kyntu ïa u DC ban tuklar mardor

Jowai, Nailur 20: Mynta ka sngi ka 20 tarik u Nailur, 2024 ka Hynñiewtrep National Youth Front (HNYF) West Jaiñtia Zone ka la leit buh da ka jingthoh ha ka office jong u Deputy Commissioner West Jaiñtia Hills District halor ka jing dkhoh treikam ka tnad Sericulture kaba don ha kylleng ki jaka jong ka West Jaiñtia Hills District.
Katkum ka ka RTI bala ïoh pdiang na ka office jong ka District Sericulture Officer la lap ba don haduh 22 tylli ki rearing center hapoh Jaiñtia Hills tang ba, tang katto katne ki jaka ba treikam, haba peit haka ba bun hi ki jaka treikam ym don tang ki office ba paka bad ruh ym don ki nongtrei ha kitei ki jaka.
Shuh shuh lyngba ki RTI la lap ba na kitei ki 22 tylli ki Center ki don haduh 14 tylli ki post bala thylli la bun tylli ki snem naduh ki Demonstrators bad kiwei la lap ruh kine ki center, kum ha Nartiang, Ummulong, Ksehrynchang, Moodymmai, Kdiap, Mutapun, Saitsama bad Namdong, la don bun kiba past training naduh u snem 2008 haduh 2013 kumba 19 ngut bad kila don ka hok ban ïoh ïa kitei ki kam kat kum ka lynti.
Halor kine ki jinglap jong ka seng HNYF ka la leit buh da ki jingthoh haka office jong u Deputy Commissioner ban tuklar ïa kine kiei kiei baroh bad la kyntu ruh ïa baroh ki Sericulture Demonstrators kiba dei peit ïa kine ki jaka ba kin trei hok bad pyndep hok ïa la ki kam khnang ba kan lah ban wanrah ka jingïoh kam ïoh jam ki samla jong ka Ri Jaiñtia bad ïoh jing myntoi ki paitbah hi baroh, pynkut ka kyrwoh na ka liang ka seng HNYF West Jaiñtia.