Shillong, Nailar 23: U Cadet barim ka 1 Assam Battalion NCC, Guwahati Group, u Senior Under Officer (SUO) Pratik Paul, u la shah jied ban leit shah pyntbit ha ka kam shipai hapoh ka Officers Training Academy (OTA) Chennai ha u bnai Risaw mynta u snem jong kane ka kynhun lyngba ka Short Service Commission (NCC) Special Entry Scheme (Men) – 58.
U Pratik Paul, u B.Com graduate na KC Das Commerce College, Guwahati, u la ïai bteng ban wanrah ka burom ïa ka Battalion bad ïa ka North Eastern Region (NER) NCC Directorate. U la mihkhmat ïa ka Directorate ha ka Republic Day Camp (RDC) 2024 ha New Delhi.
Da kane ka jingjop jong u, mynta u la don ha lynti ban shakri ïa ka ri kum u Officer ha ka Indian Army.
Ka 1 Assam Battalion NCC ka la pynpaw ïa ka jingai khublei naduh mynsiem ïa u bad ka kitbok na ka bynta ka lawei ba phyrnai ïa u ban shakri hapoh ka kam shipai (Armed Forces). Na ka liang ka Battalion ka la pynpaw ka jingsarong kaba khraw halor kane ka jingkynjoh jong u sha uwei pat u mawmer bad ka kyrmen ba kane ka jingïaid lynti jong u kan ai mynsiem ïa kiba bun ki cadet ban bud ïa ki dienjat jong u ha ki jingim jong ki kiba manla ka sngi.
