Na ka jingwan lynshop ka erïong ryngkat u phria, julor ki 68 tylli ki ïing bad 3 tylli ki skul

Mawkyrwat, Lber 29: Ka jingwan beh ba kynsan kynsan jong ka erïong ryngkat u phria ba jur bha kaba la wan lynshop ha ka step phyrngap jong ka 28 tarik u Lber, 2026 hapdeng ka por 4 baje mynstep haduh 5 baje mynstep, ka la wanrah ïa ka jingjulor kaba khraw ha ki thaiñ Mawkyrwat bad Ranikor C&RD Blocks.
Katkum ki jingïoh lum jingtip, la ong ba haduh 65 tylli ki ïing ki la julor kata na ka jingwan ka erïong 63 tylli bad na ka jingshoh u pria 2 tylli kynthup ruh 3 tylli ki ïing skul ha Mawkyrwat C&RD Block bad katba ki 3 tylli ki ïing ha Ranikor C&RD Block ki dei na ka jingshahktah ha ka erïong.
Hadien ba ioh jingpyntip halor kane ka jingjia ki bor district lyngba ki Ki Gram Sevak ki la pyrshang ruh ban pynpoi ki lad jingïarap sha kito ki longïing kiba la shah ktah.