Shillong, Nailar 25: Ka sorkar Meghalaya kala ïasoi ïa ka jingïateh kular bad ka National Insurance Company Limited, na ka bynta ban pyntreikam ïa ka Megha Health Insurance Scheme (MHIS) Phase 5 bad ka Pradhan Mantri Jan Arogya Yojana (PMJAY) hynin ka sngi ha Shillong.
U Ramkumar S, IAS, CEO Megha Health Insurance Scheme uba long ruh u Additional Secretary Health & Family Welfare, ka sorkar jylla, u la soi ïa ka jingïateh kular na ka bynta ka sorkar Meghalaya bad u L. S. Puni Isaac, Assistant Manager, National Insurance Company Limited u la soi na ka bynta kane ka Insurance Company ha kaba la ïadon lang u James P.K Sangma, Myntri ka tnad ka koit ka khiah bad kiwei kiwei ki ophisar.
Ka MHIS kaba 5 bad ka PMJAY kan kiew na ka 5 lak tyngka sha ka 5.30 lak. Baroh ki nongshongshnong jong ka jylla, lait noh kiba treikam sorkar bad la ka long ka sorkar jylla ne ka sorkar pdeng. Kane kan treikam naduh ka 1 tarik u Nailur 2022.
Kane kadei ka skhim ba ïarap ka sorkar ïa ki paidbah haba ki don hapdeng ka jingpang.
