Nongstoiñ, Ïaïong, 22: Ki Pulit ANTF lem bad ka kynhun na Nongstoin Police Station, ha ka janmiet sngi nyngkong ki la ïoh ban kem ïa uwei u suba nongkhaïi kynja katba u dang die kynja ha Iew Nongstoiñ.
Ïa u ne u briew ba la kem noh la tip kyrteng u Dibostar Hoojon u ba dei na ka shnong Umyiap, Langpih bad ba shong wai ha Iew Nongstoiñ. Ha ka jingkhynra ïa ka Ïing sah jong u, ki Pulit ki la ïoh ban kurup haduh 574 gram u kynja.
La register case ïa une u briew hapoh ki kyndon ka NDPS ha Nongstoiñ Police Station. Ka jingtohkit mynta ka la ïaid shakhmat ban lap dien ïa kiwei pat kiba donkti kynthup ïa ka jaka ba u ïoh ïa u kynja.
