Nongstoiñ, Jylliew, 26: Ka Krishi Vigyan Kendra (KVK)West Khasi Hills, ka la pynlong ïa ka prokram Azadi ka Amrit Mahotsav National Campaign ha ka 21 tarik Jylliew 2022 hapoh office kaba don ha Nongshillong. Ha kane ka sngi la wan ïashimbynta kumba 65 ngut ki nongrep kynthup ki staff jong ka ophis KVK.
I Kong B Mukhim, Assistant Director of Agriculture, Research & Training, na Directorate Shillong, I la long I Kongsan ha kane ka sngi. Ha ka jingkren jong I Kongsan, I la ai ka jingïaroh ïa ka ophis KVK halor ka jinghikai ba la sam kyrpang hapdeng ki nongrep bad I la ban jur ïa ki nongrep ban kin don noh ïa ki Farmers ID, ban ïoh ki lad jingmyntoi na ki scheme bad kumjuh ba kin phah test ïa ki khyndew ban ïoh ki ‘soil health card’.
Ha kane ka sngi, la ïoh ka awareness halor ka Yoga ka jingkilan met ba ka dei ka sngi kyrpang ba la tip kum ka International Yoga Day 2022 halor ka theme Yoga for humanity. Kumjuh ruh la pynlong ïa ka awareness training halor ka ‘balanced use of fertilizers’ na I Dr. E K Marbaniang, SMS Extension. La ïoh ruh ka jinghikai halor ka phang ‘region specific Agroforestry’ na I farm Manager Bah H Sungoh. Ka la long ka program kaba myntoi shibun ïa ki paid nongrep.
