Shillong, Naitung 08: Ka Directorate of Sports & Youth Affairs jong ka Sorkar Jylla Meghalaya, kan sdang ïa ka lympung ïalehkai State Level Subroto Mukherjee Cup Football Tournament 2024 naduh mynta ka Sngi ka 9 tarik u Naitung.
ïa kane ka lympung ka ban kut ha ka 13 tarik mynta u Naitung, hapdeng ki lahduh jong ki District yn pynïalehkai ha lai tylli ki madan, ba kynthup ïa ka SSA Football Ground, MFA Ground, bad Madan Heh Mawlai.
Ki don haduh 576 ngut ki samla ïalehkai na baroh 12 tylli ki District ki ban ïashimbynta, kiba ïakhun ha lai tylli ki kyrdan ïalehkai: Under 15 Boys, Under 17 Girls bad Under 17 Boys.
Related Posts
Kane ka lympung kan sdang naduh mynta ka step, 9 tarik Naitung, 2024, ha ka por 9 baje mynstep ha kaba ki jingïalehkai yn pynlong ha kitei ki lai tylli ki madan ba la kdew haneng.
Kumban shu kdew, baroh ki kyrdan ïalehkai naduh ka Under-15 jong ki Shynrang haduh ka Under-17 Boys & Girls, la phiah sha saw tylli ki Group, A, B, C bad D, ba la bynta mar lai kynhun.
Yn pyndep saw tylli ki jingïalehkai ha ka shi sngi na man ki kyrdan katba dang ïai ka Group stage shuwa ban jam sha ka semi final ka ban long ha ka 12 tarik, katba ka final ha ka 13 tarik Naitung, 2024 ban ïoh ïa ka lahduh ban mihkhmat ïa ka jylla sha ka National Level.