Shillong, Nailar 26 : Ka lympung ïalehkai football ba hehduh hapoh ka thaiñ Mawkynrew kaba la ti kum ka Mawkynrew Cup 2022 kan sdang mynta ka sngi Saitjaiñ ha madan Mawleiñ. Ki ar tylli ki team kiban aireng nyngkong ha kane ka lympung ba mynta u snem kan long hapdeng ka Mawjatap SC pyrshah ïa ka Lynshing SC ha ka por 2:30 baje janmiet.
Ïa kane ka lympung yn plie pyrda da u Bah Banteidor Lyngdoh uba dei u Myntri ka tnad ki kam ïalehkai jong ka sorkar jylla ha kajuh ka por u MLA ka thaiñ kum u kongsan bad yn don lang ryngkat u Bah Gavin Mylliem MLA ka Sohra Constituency kum u symbud kongsan.
La phiah ïa katei ka lympung ha ki 4 tylli ki Zone bad ka jingïalehkai mynta ka sngi kan dei jong ka Mawleiñ Zone. Ki team kiba ïashim bynta ki don haduh 65 tylli ha baroh 4 tylli ki Zone. Ka kynhun kaba khur ïa ka nam lahduh kan ïoh ban rong ïa ka song pisa kaba T. 1.50 Lak katba kaba wan ba ar kan ïoh T. 80 hajar.
