Mynta yn mih madan ki MLA ban ïa aireng bad ki ophisar ha Polo
KI KYRTENG KI MLA BAN ïALEHKAI Bah Kyrmen Shylla Bah Wadladmi Shylla Bah Banteidor Lyngdoh Bah Ardent Miller Basïawmoit Bah Pius Marweiñ Bah Gavin M. Mylliem Bah Balajied Synrem Bah Gabriel Wahlang Bah Olan Sing Suiñ Bah Charles Marngar Bah Synshar Lyngdoh Bha Brighstarwell Marbañiang Bah Damanbait Lamare U Arbingstone Marak U Matthew R. Marak U Sanjat A. Sangma
Shillong, Nailar 28: Khathynriew ngut ki MLA jong ka jylla, kynthup ïa u Bah Ardent Miller Basaïawmoit, MLA Nongkrem, Bah Brightstarwell Marbañiang, MLA Mawlai, Bah Kyrmen Shylla, MLA Khliehriat bad Myntri ka Sorkar jylla, nangta u Bah Banteidor Lyngdoh, MLA Mawkynrew, Bah Charles Marngar, MLA Mawhati, Bah Gavin Mylliemngap, MLA Sohra kin ïa mih madan lashai ka sngi, ka 29 tarik por 5 baje janmiet ban ïalehkai Phutbol bad ka team ki Ophisar ka sorkar Meghalaya.
Kane ka jingïalehkai Phutbol ki nongmihkhmat paidbah bad ki ophisar ka long kum shi bynta ban rakhe ïa ka National Sports Day 2023. Ka National Sports Day kadei kaba ka sorkar pdeng ka la pynbeit ban rakeh naduh ka snem 2012, kaba dei ka sngi kha jong uwei na ki nongïalehkai Hocket ba tbit bha jong ka ri India, u Major Dhyan Chand, ba la ju tip ruh ha ka Hockey kum uta u Wizzard.
Ka jingthmu jong kane ka jingrakhe ïa ka National Sports Day ka long ba pynsngewthuh ïa ki paidbah ïa ka jingkordor ka jingïalehkai Sport, nangta ka jingïatreilang, ka jinglong mynsiem kum ki nongïalehkai Sport bad ban kyntu ïa ki paidbah ba kin shim ïa ka Sport kum ka jingtreikam ne ka Career jong ki.
Ïa kane ka sngi la buh ban rakhe naduh ka 22 tarik haduh ka 29 tarik mynta u bnai. Ki District jong ka jylla ki la pynlong ïa kane ka jingrakhe naduh kine ki sngi baladep lyngba ki Prokram bapher bapher.