Shillong, Jylliew, 29: Ka Jaiñtia Hills Public Coal Miners Dealers and Suppliers Association (JHPCMDASA) ka la pyntip ban pynlong ïa ka jingïalang paidbah jong ki nongtih, ki nongkhaii bad ki nongshalan dewïong ha ka shnong Dkhiah West, Moowakhu, East Jaiñtia Hills District ha ka 30 tarik mynta u bnai ha ka por 10:30 baje mynstep.
Katkum u kyrwoh ba la phah da u President ka Seng u Bah Reegenal Shylla, ki mat ïathir ïatai ha kane ka jingïalang kin long halor u dewiong ba la kurup da ka Sorkar hapoh ka kyndon 21 (4) jong ka MMDR Act, 1957, halor ka Standard Operating Procedures (SOP), halor ka MMDR Act, 1957, halor ka jingkhang jong ka National Green Tribunal (NGT) ïa ka jingkhang ban tih bad ban shalan ïa u dewïong na kane ka jylla Meghalaya.
Hadien ba la wai ka jingïalang yn sa pynlong pat sa ïa ka jingïasoi paidbah.
