Patna, Naiwieng 16 : Ka jingpynkhreh ka la iaid shaid shaid mynta na ka bynta ka jingthaw ïa ka sorkar ba thymmai ha Bihar.
Katkum ka jingpynpaw na u heh ka JD(U), kin sa shim ïa ka rai ban aibor ha u Nitish Kumar ban ïa kynduh ïa u Lat ryngkat ka jingtyrwa na ka bynta ban shim ïa ka sienjam na ka bynta ka samoi ba la dep.
Ïa kane ka jingpynkhreh ka la wan shisngi hadien ba u Chief Electoral Officer ka jylla u Vinod Singh Gunjiyal u la kynduh ia u Lat Arif Mohammed Khan ryngkat bad ka thup jong ki dkhot kiba la shah jied ha kane ka elekshon kaba dang shu dep ïa kaba ka thup jong ki nongjop la pynbna ha ka sngi Thohdieng ba la dep.
Lah ban kdew hangne ba ka NDA ka la jop bun ngut eh da kaba khur haduh palat 200 ngut na ka Iing Dorbar kaba dn 243 ngut. Na kine ka BJP ka la jop haduh 89 ngut, bud sa ka JD(U) da ki 85 ngut, katba ka party jong u Chirag Paswan ka LJP (RV) ka la jop 19 ngut bad ïa ki khyndai tylli kiwei pat la jop da ki party ba rit kum ka HAM bad RLM.
Na ka liang u Working President ka JD(U) u Sanjay Kumar Jha uba la wanphai na Delhi hadien ba u la dep kynduh ïa ki heh BJP u la ong ba ha ki khyndait sngi yn sa thaw noh ïa ka sorkar ba thymmai.
