Mynta u snem yn sdang ïa ka lympung Women League FT
Khot bai Entry ka WJDSA naka bynta ka ID Cup Under-17, Second bad Third Division
Jowai, Naitung 27: Ka West Jaiñtia District Sports Association (WJDSA) ka khot bai Entry na ka bynta ka lympung ïalehkai phutbol kaba la tip kum ka Independent Day Cup U-17 Football League Tournament 2025.
Na ka bynta ka lympung Independent Day Cup U-17 yn pdiang ïa ki nongïalehkai kiba kha haka 1st September 2009 ha ryngkat ki kot pynshisha kum ka birth certificate bad u Aadhaar card.
Ka bai Entry kan long 1500/- tyngka kawei ka kynhun, na ka bynta ki players 25 ngut kan long haka dor 30/- uwei. Ka tarik ba khadduh ban pynpoi haka 2.8.2025 hapoh ka por 10 baje mynstep. Ïa ka Screening yn pynlong haka 2.8.2025 naduh ka por 9 waje mynstep.
Ha kajuh ka por la khot Entry naka bynta ka 5th U Adelberth Laloo Memorial Trophy jong ka kyrdan 3rd Division bad ka 8th U Debo Shullai Memorial Trophy jong ka kyrdan 2nd Division Football League Tournament 2025. Ka bai Entry ka long 2000/- lem bad ki 25 ngut ki players. Ka tarik ba khadduh ka long haka 2.8.2025 kiba wan hadien ka tarik bala buh ym lah shuh ban pdiang ïa ki.
La pyntip ba ha une u snem yn sdang ïa ka Women League Football Tournament, ka bai Entry ka long 1500/- kawei ka kynhun bad ban register ïaki players ka long 20/- na ka bynta kawei ka player. Ïa ka tarik ba khadduh yn sa pyntip hadien.
Na ka bynta ka jingkhot Tender haka kyrdan 1st Division yn dang ailad ïa kino kino kiba wan ban pynïasoh bad ka dor jong ka Tender ka long kumjuh hi kumba la dep pynbna, ka tarik ba khadduh ban plie ïa ka tender kan long haduh ka 2.8.2025. baroh ki jingdonkam dei ban pynpoi beit sha u pynpoi sha u Hony. General Secretary ka WJDSA.