Ka prokram ïalehkai First Division 2022
Tarik Team Por
26.03.2022 Umphyrnai SC vrs Lawsohtun 3.30 pm
29.03.2022 Smit SC vrs Nongthymmai SC 3.30 pm
30.03.2022 Nongrim Hills vrs Imson SC 3.30 pm
31.03.2022 Sawmer SC vrs Umphyrnai SC 3.30 pm
02.04.2022 Lawsohtun SC vrs Smit SC 3.30 pm
04.04.2022 Nongthymmai SC vrs Nongrim Hills 3.30 pm
05.04.2022 Imson SC vrs Sawmer SC 3.30 pm
07.04.2022 Smit SC vrs Umphyrnai SC 3.30 pm
08.04.2022 Nongrim Hills vrs Lawsohtun SC 3.30 pm
09.04.2022 Nongthymmai SC vrs Sawmer SC 3.30 pm
12.04.2022 Umphyrnai SC vrs Imson SC 3.30 pm
13.04.2022 Lawsohtun SC vrs Nongthymmai SC 3.30 pm
16.04.2022 Imson SC vrs Smit SC 3.30 pm
N.B: Ïa ka prokram ïalehkai league stage yn sa pynmih biang hadien ba la ïoh na ka Shillong Sports Association
Shillong, Lber 25: Ka lympung ïalehkai First Division Football League Tournament 2022 ba pynïaid da ka Shillong Sports Association (SSA) kan sdang mynta ka sngi Saitjaiñ (26.03.2022) ha madan MFA Ground, Polo, Shillong.
Ki ar tylli ki team kiban mih madan nyngkong ha kane ka sngi plie pyrda kan long hapdeng ka Umphyrnai SC pyrshah ïa ka Lawsohtun SC ha ka por 3.30 baje janmiet.
Ha ka jingshisha ka First Division mynta ka samoi ka la dei ban sdang ha ka 19 tarik Lber 2022, hynrei na ka daw ka jingshna pynbha ïa ki katto katne ki bynta jong ka madan MFA, Third Ground, ïa kane ka lympung la pynpep noh shwa bad na ka liang ka Association kala hap ban pynbeit thymmai ïa ki tarik ïalehkai.
Ha kane ka lympung ki don baroh hynñiew tylli ki team ba kynthup ïa ka Umphyrnai SC, Lawsohtun SC, Smit SC, Nongthymmai SC, Nongrim Hills SC, nangta ka Imson SC bad ka Sawmer SC.
Ha kane ka samoi ba mynta ki ar tylli ki team kiba la kiew sha kane ka kyrdan ïalehkai First Division kadei ka Umphyrnai SC bad ka Nongthymmai SC, katba ka Nongrim Hills SC kala shah pynhiar sha kane ka kyrdan First Division.