SHILLONG, Rymphang 06: Ka Shillong Sports Association kan ïoh ban pynkut noh ïa ar tylli ki lympung ïalehkai jong ki heprit ba hapoh 12 bad 14 snem, kata ka SSA U-12 Football league 2025-26 bad ka SSA U-14 Football league 2025-26 ha kane ka sngi Saitjaiñ (07.02.2026).
Ha ka kyrdan U12 ka Shillong Lajong FC kan ïakhun pyrshah ïa ka Nongthymmai Nongkynrih SC. Kane ka jingïakhun kan long ha ka por 1 baje mynsngi.
Nangta yn bud sa ka phainal ha ka kyrdan U-14 ha ka por 2:30 baje nohphai sngi, bad ka jingïakhun kan long hapdeng ka Mawkhar SC pyrshah ïa ka Langsning FC.
