Shillong, Nailar 23: Ka Umrynjah SC bad ka Madan S&CC kin ïatynjuhbor mynta ka sngi ha SSA Stadium, Polo ban ïaknieh ïa ka namlahduh ha ka lympung SSA U-20 Fourth Division 2024.
Katkum ki kyndon pynïaid ka SSA, saw tylli ki kynhun ba rung sha ka final ki la dep pynthikna ïalade ban jam sha ka Third Division. Nalor kine ki ar tylli ban ïakhun ïa ka final, ka Umiew Maw U Sam bad ka Madanryting SC ki dei kiwei pat ki kynhun ban ïoh ïakhun ha ka Third Division ha ka samoi ban wan.
Ka jingïakhun hapdeng ka Umrynjah SC bad ka Madan S&CC kan long ha por 3 baje nohphai sngi.
