Shillong, Jylliew 27 : Kawei na ki kynhun jong ki nonghikai skul ha ka jylla ba tip kum ka Federation of All School Teachers Of Meghalaya (FASTOM) ha ka sngi Nyngkong ka la shim ïa ka rai ban sdang biang ïa ka jingïakhih naduh mynta ka sngi, ka 28tarik u Jylliew.
Katkum ka kyrwoh ba la phah da u General Secretary ka kynhun, u Bah Andrew Lyngkhoi la ong ba katei ka jingïakhih ba khlem buh por miet bad sngi kan long ha Main Secretariat Shillong bad Mini Secretariat Tura naduh katei ka sngi naduh ka por 2:00 baje mynsngi.
Haba ïadei pat bad kito ha rilum Garo la ong ba ïa ki sienjam ba kin shim yn sa pynbna da ki nongïalam na katei ka thain hi.
