Shillong, Ïaïong 12: Ka khubor ba la ïoh na ki pulit la ïathuh ba u Gauri Shankar Sah u la phah ka jingujor ba ha ka 7 tarik Ïaïong ha ka por 8 baje mynmied, laingut ki runar bym lah ban ithuh ki la ktah kti ïa u ha Lower Mawprem, Shillong. Halor kane ka jingjia utei u lanot u la mynsaw bad la pynkitnoh sha Civil Hospital Shillong.
Sa kawei pat ka jingjia u Rangbah Shnong, ka shnong Tlongpeng, Mawsynram (EKH) u la phah ka jingujor ba ha ka 5 tarik mynta u bnai ki runar bym lah ban ithuh ki la pynjulor ïa ka tyllong umbam umdih kaba don ha Kharai Blei, Malai Sohmat Syiemship (EKH).
Shuh shuh ki pulit ki la ïathuh ba u tai Anung u la phah ka jingujor ba hapdeng ka mied jong ka 4 & 5 tarik mynta u bnai, ki runar bym lah ban ithuh ki la tuh ïa ka thuk thuk jong u kaba don u nombar AR-01S-7624 narud surok kaba hajan Railway Gust House, Madan Laban, Shillong.
